اسلام آباد۔15اگست (اے پی پی) وزیراعظم محمد شہباز شریف اسلام آباد اچ آئی ٹی پارک دی تعمیر دی سست رفتار تے کاوڑ کریندے اتے متعلقہ حکام دی پچھ پریت کریندیں آکھیے جو منصوبے اچ عالمی معیار موجب سہولتاں ݙیوݨ کوں یقینی بݨایا ونڄے، سارے ذمہ وار ایں منصوبے دی تکمیل کیتے آپݨیاں کوششاں تکھیاں کرن۔ وزیراعظم دفتر دے میڈیا ونگ توں جاری بیان موجب وزیراعظم یوم آزادی (14 اگست) کوں اسلام آباد اچ زیر تعمیر ٹیکنالوجی پارک دا خصوصی دورہ کیتا، اے وزیراعظم دا زیر تعمیر آئی ٹی پارک دا تریڄھا دورہ ہئی۔ وفاقی وزیر منصوبہ بندی احسن اقبال، وفاقی وزیر اقتصادی امور احد خان چیمہ، وفاقی وزیر اطلاعات و نشریات عطاء اللہ تارڑ، وفاقی وزیر انفارمیشن ٹیکنالوجی و ٹیلی کام شزا فاطمہ اتے متعلقہ سرکاری افسران وی وزیراعظم دے نال ہن۔ وزیراعظم ٹیکنالوجی پارک دی تعمیر دی سست رفتار تے کاوڑ کیتی تے موقع تے موجود متعلقہ حکام دی سرزنش کیتی، اے منصوبہ 23 مارچ 2025ء کوں مکمل تھیوݨا ہئی لیکن ایں دی تعمیر تاخیر دا شکار اے، یاد رہے ایں منصوبے تے پاکستان تحریک انصاف دے دور حکومت اچ کوئی خاص کم نہ تھی سڳیا ہئی۔ وزیراعظم محمد شہباز شریف منتخب تھیندیں ہی آئی ٹی پارک منصوبے تے خصوصی توجہ ݙتی اتے کم دا آغاز کروایا۔ وزیراعظم آئی ٹی پارک کوں تکھے توں تکھے مکمل کرݨ دی ہدایت کیتی اتے آکھیا جو ایں منصوبے کوں ابتدائی ہدایت موجب ݙسائی ڳئی مدت اچ مکمل کیتا ونڄے، منصوبے اچ عالمی معیار موجب سہولتاں ݙیوݨ یقینی بݨایا ونڄے، سارے ذمہ وار ایں منصوبے دی تکمیل کیتے آپݨیاں کوششاں تکھیاں کرن۔وزیراعظم کوں ݙسیا ڳیا جو “آئی ٹی پارک، 2 زیر زمین، گراؤنڈ اتے 9 اُچیاں منزلاں تے مشتمل اے، پارک اچ دفتراں، انکوبیشن سینٹر، بزنس سپورٹ سینٹر، آر اینڈ ڈی لیباٹریاں، لیول III ڈیٹا سینٹر، آڈیٹوریم اتے 1,200 گاݙیاں دی پارکنگ شامل اے۔ آئی ٹی پارک دا مقصد نینگراں کیتے نوکریاں، معاشی ودھارے کوں ودھاوݨ، عالمی آئی ٹی مقابلے کوں ودھاوݨ اتے ڈیجیٹل ونݙ کوں ختم کرݨ اے
وزیراعظم محمد شہباز شریف دی اسلام آباد اچ آئی ٹی پارک دی تعمیر دی سست رفتار تے کاوڑ، متعلقہ حکام دی پچھ پریت ، سارے ذمہ وار منصوبے دی تکمیل کیتے کوششاں تکھیاں کرن، وزیراعظم
اسلام آباد۔15اگست (اے پی پی) وزیراعظم محمد شہباز شریف اسلام آباد اچ آئی ٹی پارک دی تعمیر دی سست رفتار تے کاوڑ کریندے اتے...
مضمون کا ماخذ : لاٹری جیتنے کے طریقے
.jpg)
